Wordfeud League of Honour

Har faktisk aldri telt brikker i ein einaste kamp! Det blir for kjedeleg, og eg ser ikkje heilt poenget heller... Det er jo sjølvsagt poeng å hente på å telje, men så stor forskjell trut eg ikkje at det gjer. Men eg skal prøva det neste sesong, så får vi om det gjer resultat.

Er det berre eg som ikkje teljer?

For meg var dette ein kjempeflott debut i 1.divisjon, og eg håpar at eg blir verande ei god stund til. Men likevel må eg seie at eg er litt bitter for at eg måtte ta til takke med 4.plass. Litt vanskeleg å komme over at viss eg hadde vunne kampen mot Mjuking (Eller nokon av dei andre på pallen)så hadde eg tatt steget opp på pallen.

Kanskje eg burde ha vurdert å byrja med brikketeljing, for eg vil ikkje sjå at pallen glipper då er er så nære som eg var denne gongen...

Men eg kan jo ikkje sitte her å sutre, det startar jo ein ny sesong i morgon!

Til slutt må eg gratulera grublaren ein gong til. Imponerande sigersrekke!

NB! Neste sesong går eg for gull (levande optimist), så watch out!

Øyvindo stakk først av etter å ha nytta min (relativt trygge) 6x-opning med K på sjuarplassen til å leggje METRIK(K). Og då eg litt seinare i spelet opna ein seksbokstavars 6x med J på startplass før eg la meg til å sove, hadde luringen sjølvsagt noko på lager, då òg. Sjølvsagt kunne eg ikkje la vere å sjekke stoda då eg vakna og måtte late vatnet litt før klokka seks; der lyste (J)ARKEN mot meg, og avstanden var auka til omkring 100 poeng. På brikkelista låg ØYDINGA/DØYINGA, men å få han ut, var noko heilt anna. Kva gjer ein då? Jo, sjølvsagt, ein finn ein laus bokstav på brettet, trer han på og ser kva som skjer. N-en til Øvind fekk førarplassen, NØYDINGA vart lagt opp, og i mitt stille sinn lurte eg på kva i all verda vitsen var med å prøve seg på slikt tøys... Vitsen var sjølvsagt 109 herlege poeng!

Men euforien varte ikkje lenge. Den fantastiske brikketeljaren til dpnm (sjekk bm-forumet, de som ikkje har gjort det allereie) kunne fortelje at det var to blanke og mykje anna fint att. Rett etter meldte Øvindo at eg kunne førebu meg på å vente lenge på eit genialt motlegg... Resultatet vart VAlTINGa for 71 poeng, og Øyvindo var attende i føringa - med solid margin. (Digresjon: På nynorsk er det visst berre dei særaste verba som har ing-form...)

Bingoen til Øyvindo hadde åpna den nedste TW-lina, og einaste von var å træ ein god TW som starta med B på det blå feltet, og som slutta på -est eller -ast. BENDAST! Og dermed 121 poeng og ei leiing på vel 50. Men Øyvindo hadde ein PUB til 45 på handa, og eg fekk ein W eg ikkje kunne få ut... Det kom til å bli jamt, men all teljing tyda på at eg skulle ro det heile i land. Slikt har eg bomma på meir enn ein gong før - men denne gongen heldt det!

Takk til Øyvindo for eit fyrverkeri av ein kamp! Den guten kjem til å nå langt! :-)

Kort oppsummert:

Starta mot eyestonefeud med SKoRDER, men fekk TEINENE umiddelbart imot, tråkla fint på lina under. Eyestone drog gradvis ifrå, heilt til eg fekk teke han att med KALDAST. Den åpna to TW-ar på lina under, men eyestone klarte ikkje nokon av dei. Den L-en han la ifrå på midten, hjalp meg i staden til ein fin GULL til 46 poeng i venstre enden, og eg tok til å tru eg skulle klare det. Men kva har eyestone på handa....: ÅRI. (GULL)ÅRI trakk heile greia bort til den høgre TW-en og eyestone kunne innkassere 70+ poeng. Med null i posen leier han 494-481, han har den desidert beste handa og det er hans tur.

Mot grublaren starta eg med FLUsKAR (flunkar funka ikkje...), som vart umiddelbart parert med ein P(L)YTT med P og Y på grøn og heile greia på oransje. Litt etter fulgte eg opp med BIsON(A)NE, som grublaren delvis vog opp for med ein risikabel FIKSJON på TW, som med ein ANE-ending kunne strekkjast over TW. Då ANE endeleg var på handa mi tre (?) rundar seinare, hadde grublaren opna ein lekker line nedst på brettet som i staden gav meg GAUVEN til 87 poeng. Litt etter fekk eg ut den tredje bingoen, TJAFsAR, som gav ein nokså farleg TW-opning som eg slapp rimeleg heldig frå. Likevel er mannen hakk i hæl, og stillinga med to i posen er 467-443 til meg. Eg bør likevel ha brikkene til å ro dette i land, men når det gjeld grublaren, kan ein aldri seie noko for visst før den korpulente dama opnar gapet...

Til slutt blei eg sitjande inne med W, etter att eg trakk han med 3 bokstavar igjen i posen. Då var det gjort. Eg fekk også F og J heilt på slutten, og han øka og vann til slutt med 69 poeng.

I min andre kamp går det også mot tap. Også som forventa, sidan denne motstandaren er sjølvaste grublaren. Men kampen er ikkje ferdig endå, så håpet lever!