Wordfeud League of Honour

For spesielt interesserte: Ein kjapp oppsummering (litt lengre enn den kortkorte) av sesongens kampar:

1) iNorne: Ei røys med brikker som aldri passa, og konsonantar i hopetal i sluttspelet. Heilt utspelt.

2) Tommoen: Ei røys med E-ar og andre vokalar i starten, og som sjølvsagt ikkje kunne nyttast til noko fornuftig. Opna ein 6x tidleg i kampen med (ORG)E, då eg satsa på at ORG måtte ta -AR-ending. Det måtte det ikkje... Tommoen diska opp med GraSSERE (med siste R-en på (ORGE)R) til hundreognokre poeng og heldt avstanden heil til sluttspelet. Der klarte eg å halvere leiinga og vel så det, mellom anna med det fine prøve-seg-fram-ordet G(LYRANE).

3) Hino 62: Ein kamp prega av mange lekre småord. Hino var i føringa det meste av kampen, og einaste vesle sjansen på tampen var at ho vart sitjande att med WAP-en sin. Men kva gjer eg? Legg MO(L) med open M... Hulk, snufs... :-(

4) unnell: unnell herja, samstundes som eg la fleire tabbelegg mot slutten; stort meir er det ikkje å seie om det. STU(E)REIN var ein skikkeleg bingolekkerbisken frå hennar side.

5) Øyvindo 97: Du og du for ein spelar! Spennande og jamn kamp helt til eg var toskut nok til å lukke posen ved å leggje LINFR(Ø) over TW – rett etter Øyvindo hadde bytta rasket sitt. Eg vart sjølvsagt sitjande att etter kampen med lekre WHDSMT....

6) sovjetsamveldet: Sesongens tabbe-høgdepunkt: Leia klart (60-70-poeng) og sat med ei lita, uleggbar bingo, men kunne berre leggje småteri og måtte opne brettet. Trudde det var relativt få poeng å hente før sovjet måtte opne, så eg passa. Sovjet bytta sjølvsagt brikker, og no ville eg i alle fall ikkje opna... Så han plukka poeng, og eg passa; han plukka poeng, og eg passa – fem-sek-sju gonger... Til slutt var vi à poeng og Sovjet opna – på ein måte som gjorde det heilt uråd å leggje bingoen. Been there, done that, never again.

7) Cinclus: Trudde lenge eg hadde kontroll, men Cinclus sneik seg innpå. Hadde sjansen på ein fin TÆP (aldri sett før; prøvde meg fram) til 37 poeng eller noko, men ville då opne for ein liten 6x for Cinclus og hans to blanke. La i staden annan stad på brettet til 20-ish poeng – og såg ikkje at Cinclus kunne opne den same 6x-en med (A)H. Eg hadde ikkje korkje A eller noko å sperre med, og Cinclus kunne dælje ned HuJaR. Snipp, snapp, snute...

8) trulte68: Totalt utspelt og herja med: Trulte valsa opp med startbingo STOLANE og seinare herlegdomane ROTFASTE (R eller T lå i bordet, eg hugser ikkje kva) over TW og TOGENDA(R)! Då eg endeleg fekk samla i hop KRIGaNE, måtte eg splitte ein 6x, og trulte svara med V(I)MLI til 72 poeng. Bøyer meg audmjukt i støvet...

9) siriøk: Trøystesiger: Starta kampen med herjing og stokking på jakt etter ein -ING-bingo, men enda opp med det som mest truleg er ein ordlisteanomali: AcETONI – med blank C! Forspranget heldt seg stort sett heile vegen, sjølv om eg gav Siri nokre unødige poeng på tampen ved å opne for (TAB)B(E). Særs talande for sesongen under eitt...

Ok, kjære alle, det har vore ein fryd å få leike med dykk! Vonar å kjempe meg attende om ikkje altfor lenge, men reknar med hardkøyr i etasjen under òg. Eg kjem sikkert innom og helser på. Kos dykk og ha det kjekt så lenge! :-)

Dette har vore ein strålande sesong for meg. Eg har fått draumebokstavar på rekke og rad, og verkeleg truffe med taktiske val og legg. Ein taktisk bommert kosta meg sigeren mot unnell, men kva gjer vel det når eg vann totalt?

Dette har lenge vore eit mål for meg, å verta den yngste vinnaren båe i bokmål og nynorsk. No er eg eit steg på veg, og er fortsatt innstilt på å klara målet.

No vert det ny skule og nye omgivelsar, så framover vil det nok ta litt lengre tid på kvart legg enn tidlegare. Men eg vil framleis prøva meg i båe norskformane så langt som eg har tid til det.

Eit anna positivt teikn ved at eg står øvst på pallen, er jo at det då er sikkert at det ikkje finst juksarar her i 1.divisjon (då hadde eg neppe hatt sjans, Nikkabot gruser meg lett som ingenting).

Gratulerar til Unnell og Tommoen med sølv og bronsje, og takk for alle kampar! Eg gleiar meg allereie til neste sesong!

Elles: Det som skjer, kortkortversjon (litt lengre kjem):

Eit par kampar med tullebrikker, ein med fri straum av godbrikker og elles hovudlaus speling, særskilt i sluttfasene (unnateke mot tommoen, der eg henta inn halve forspranget.) Og dett var dett...

Skal gjere mitt beste for å gjenta meg sjølv frå førre nedrykk og kome att med rakettfart - men det er mange tøffe der nede òg...

Enn så lenge: Takk for triveleg lag, alle i hop! :-)